گونشی مات ائتدی گؤی شطرنجینده

یاریشیندا بیزی آللاتدی تاریخ

سارماشدی یادداشین درینلییینه

اویان خیاللاری اویاتدی تاریخ

دار کیمی یوکسلدی گئن مئیدانلاردا

اولدوزلاشمامیزی قوروق سؤیله دی

ایچیمیزله بیرگه، قالدیریملاردا

قونوشماغیمیزی یاساق ائیله دی

زامان یابانجی تک، بیز غریبسه میش

فیرلاندیق باشینا یالقیز تبریزین

کؤلگه لر اینسانا چئوریلن چاغدا

قیردیق کؤلگه سینی بیر بیریمیزین